“Çfarë hipokrizie”, Zemaj: Qeveria premton kompensime të reja, por nuk ka paguar dëmet e vjetra

Deputeti i zgjedhur i LDK-së, Armend Zemaj, e ka quajtur hipokrite daljen e akterëve të VV-së që janë në pushtet për t’i vlerësuar dëmet që ia ka shkaktuar breshëri ditëve të fundit.

Zemaj tha se të njëjtit ende nuk i kanë kompensuar qytetarët për dëmet e shkaktuara nga vërshimet e viteve të kaluara, ndërsa sot pushtetarët e njëjtë po premtojnë se do t’i kompensojnë dëmet e reja.

Reagimi i plotë i Zemajt:

Akoma nuk është kompensuar asnjë familje, asnjë fermer dhe asnjë qytetar për dëmet e shkaktuara nga vërshimet e viteve të kaluara. Sot, e njëjta qeveri del sërish me premtime se do të evidentojë dëmet e reja dhe do t’i kompensojë të dëmtuarit.

Çfarë hipokrizie! Çfarë paaftësie dhe keqmenaxhimi!

Premtimet tuaja boshe nuk kanë më asnjë peshë, sepse qytetarët gjykojnë nga veprat, jo nga propaganda.