Aksidenti i rëndë në autostradën Tiranë-Durrës, dy të vdekur e shtatë të lënduar

Këto janë pamje të furgonit të linjës Tiranë-Berat dhe anasjelltas që u aksidentua këtë të martë në autostradën Tiranë–Durrës, ku si pasojë humbën jetën dy pasagjerë, ndërsa 7 tjerë kanë mbetur të lënduar.

Të plagosurit janë dërguar për trajtim në Spitalin e Traumës në Tiranë, raporton euronewsal. Rrethanat e aksidentit nuk janë sqaruar ende plotësisht, por dyshohet se drejtuesi i mjetit ka humbur kontrollin, duke bërë që furgoni të përplaset dhe të përfundojë jashtë rrugës.

Në momentin e aksidentit në furgon ishin rreth 18 persona.