Time Kadriaj u reagon profesorëve të VV-së për lajmin e rremë me gazetë serbe: Ju kanë ra maskat, as Beogradi s’ju shpëton

Deputetja e Aleancës Time Kadriaj ishte cak i lajmeve të rreme të shpërndarë nga profesorët e afërt me Lëvizjen Vetëvendosje, Elvis Hoxha, Sadri Rmabaja, Enis Sulstarova. Ata shpërnanë një lajm të rremë me ballinën e kinse një gazete serbe që lavëdëronte Time Kadriajn.

“Ju kanë ra maskat. As Beogradi s’ju shpëton!” – ka shkruar deputetja.

Ndërkohë, profesori dhe aktivisti i Vetëvendosjes, Elvis Hoxha e ka fshirë lajmin e rremë dhe ka kërkuar falje, duke u arsyetuar se nuk po mundet t’i dalloj lajmet e vërteta nga ato të rremet.

““Shpërndava para pak orësh një info të rremë dhe për këtë kërkoj falje. Në postimin tim shplrndava një foto të sajuar e ballinës së një gazete serbe me në qendër foton e deputetes Time Kadria.

Është bërë shumë e vështirë të ndash informacionin e vërtetë nga ai i rremë. Po kërkoj edhe një herë falje për shpërndarjen e një informacioni të rremë.” – shkroi Hoxha.

Edhe profesori Sadri Ramabaja e ka fshirë postimin dhe ka kërkuar falje.

Ndërkohë profesori tjetër, Enis Sulstarova e ka fshirë postimin duke mos kërkuar falje.