Sërish: Abidxhiku dhe Kurti në takim

Burimet e gazetës Nacionale kanë mësuar se Kryetari i LDK-së Lumir Abdixhiku dhe ai i Vetëvendosjes ndodhen në takim.

Takimi po mbahet në ambientet e Kuvendit të Kosovës. Duhet theksuar se i pari i LDK-së pati një takim me grupin parlamentar të partisë që udhëheqë, dhe pas tij tha për media se “s’ka asgjë të re”.

Madje, Abdixhiku mohoi se do të ketë një takim me Kurtin sot.

Burimet e gazetes Nacionale pranë Kuvendit bëjnë të ditur se takimi ka filluar rreth orës 16 e 30 minuta.

Ndryshe, të enjten është caktuar të mbahet seanca konstituive e Kuvendit të Kosovës, me fillim nga ora 10:00./Nacionale