U.D. e Presidentes viziton AKI-në, vlerëson punën dhe përkushtimin e zyrtarëve

Ushtruesja e detyrës së Presidentes së Kosovës, Albulena Haxhiu, ka vizituar sot Agjencinë e Kosovës për Inteligjencë (AKI), ku është pritur nga drejtori i këtij institucioni, Petrit Ajeti, dhe zyrtarë të tjerë të Agjencisë.

Haxhiu bëri të ditur se gjatë vizitës është njohur nga afër me punën, organizimin dhe prioritetet e AKI-së, të cilën e cilësoi si institucion kyç për sigurinë e Republikës së Kosovës.

Ajo shprehu vlerësimin për profesionalizmin dhe përkushtimin e zyrtarëve të AKI-së në mbrojtje të sigurisë dhe interesave shtetërore.

“Fuqizimi i kapaciteteve të saj dhe bashkëpunimi ndërinstitucional mbeten thelbësore për një Republikë të sigurt dhe të përgatitur për sfidat e së ardhmes”, ka shkruar Haxhiu.