Dita e 12-të e protestës “Jo në emrin tim”, qytetarët ftohen sërish në shesh

Protesta “Jo në emrin tim” do të vazhdojë edhe sonte në Prishtinë, duke hyrë kështu në ditën e 12-të të tubimeve.

Organizatori Çlirim Haziri ka ftuar qytetarët që të marrin pjesë në protestën e paralajmëruar për në orën 21:00, në Sheshin “Skënderbeu”.

Në njoftimin e publikuar, Haziri ka theksuar se protesta synon të përcjellë mesazhe në mbështetje të UÇK-së, të historisë së saj dhe kërkesës për drejtësi pas vendimit dënues ndaj ish-krerëve të saj.

“Edhe sonte, bashkë. Edhe sonte, zëri ynë nuk hesht. Për UÇK-në. Për historinë tonë. Për drejtësinë”, thuhet në njoftim.

https://www.facebook.com/photo.php?fbid=10244719635105424&set=a.10200313554221155&type=3&ref=embed_post

Tubimet në Prishtinë kanë vazhduar për disa net radhazi, ndërsa organizatorët kanë paralajmëruar vazhdimin e protestave edhe sonte.